लोक कलम सम्वाददाता,

काठमाडौँ, १८ जेठ । 

“बालेनका लागि हामी, हाम्रो लागि बालेन” 

भन्ने नाराका साथ काठमाडौँ महानगरपालिका मेयर बालेन्द्र साहको पहललाई काठमाडौँका रेष्टुरेन्टहरुले सार्वजनिक शौचालय  बनाउन साथ दिएका छन् । 

आरडिएक्स ट्याटो बार नरसिंह चोक मार्ग ठमेलबाट सुरु भएको बालेन योजनाले अझ गति लिने कुरामा दुईमत नभएको संकेत देखीन थालेको छ । 

मेयरका रूपमा पदभार ग्रहण गरेकै दिन साहले नगर कार्यपालिकाको बैठक डाकेर काठमाडौंका रेस्टुरेन्टका शौचालयलाई सार्वजनिक प्रयोगमा ल्याउने निर्णय गरेका थिए । 

रेस्टुरेन्ट, ट्याटू एण्ड बारका सञ्चालक उमेन्द्र श्रेष्ठले बुधवार बाट आफ्नो बारको शौचालयलाई सार्वजनिक शौचालयका रुपमा प्रयोग सुरु गरेको बताए ।

उनले भने, ‘हामीले आफ्नै तजबिजमा आजबाट हाम्रो बारको शौचालयलाई सार्वजनिक शौचालयको रुपमा प्रयोगमा ल्याएका छौं । कुनै शुल्क नलिइकन हामीले यो सुविधा दिने निर्णय गरेका हौं ।’

महानगर वा अन्य कुनै निकायसँग पनि छलफल नगरी एकल निर्णय गरेको उनले बताए ।