३१ असार २०८१, आइतबार

प्रत्यक्ष चुनाव लड्न हच्किए बाबुराम, भन्छन्- युवालाई अवसर दिन चाहन्छु

  • २६ साउन २०७९, बिहिबार
Image

काठमाडौं- नेपाल समाजवादी पार्टीका अध्यक्ष डा. बाबुराम भट्टराई प्रत्यक्ष चुनाव लड्न हच्किएका छन्। उनले अहिलेको सत्ता गठबन्धनमा सामेल हुन नसके चुनाव जित्‍न सकस हुने बुझेका बाबुरामले आफू प्रत्यक्ष चुनाव नलड्ने संकेत गरेका हुन्। 

उनले बुधबार एक टेलिभिजनलाई अन्तर्वार्ता दिँदै उनले आफ्नो भित्री चाहना गोरखाबाट चुनाव नलड्ने भएको बताए। 'मेरो भित्री चाहना गोरखा-२ बाट चुनाव नलड्ने छ,' भट्टराईले भने, ' कोही युवालाई अवसर दिने चाहना छ।'

मनले खाएको उम्मेदवार पाए मात्रै आफू गोरखाबाट नउठ्ने उनले बताए।

आगामी मंसिर ४ गतेका लागि तय भएको निर्वाचनमा कांग्रेससहितको गठबन्धन बनिसकेको छ। अर्कोतिर एमाले एक्लै चुनावी मैदानमा छ। एमाले पनि गठबन्धनको कसरतमा छ।

तर भट्टराई कुनै गठबन्धनमा पनि छैनन्। मंगलबार (२४ साउन) मा प्रधानमन्त्री शेरबहादुर देउवालाई भेट गरि गठबन्धनमा आफ्नो हक लाग्ने बताउँदै उनले आफूहरु अहिले गठबन्धननै रहेको भट्टराईले बताएका थिए।

गठबन्धनमा सहभागी हुन नसके गोरखाबाट चुनाव जित्न मुश्किल पर्ने देखेर भट्टराईले प्रत्यक्ष चुनाव नलड्न खोजेको विश्लेषण हुन थालेको छ।

२०७४ को प्रतिनिधि सभा निर्वाचनमा भट्टराईले कांग्रेससँग मिलेर एमाले-माओवादी केन्द्रका गठबन्धन उम्मेदवार नारायणकाजी श्रेष्ठलाई फराकिलो मतान्तरले पराजित गरेका थिए। गोरखा–२ मा ६० हजार ११७ मत खस्दा डा. भट्टराईले ३१ हजार ८०७ मत ल्याई विजयी हुँदा श्रेष्ठले २४ हजार ९३३ मत प्राप्त गरेका थिए। डा. भट्टराई र श्रेष्ठबीचको मतान्तर ६ हजार ८७४ थियो।

डा. भट्टराई वि.सं. २०६४ को संविधानसभा निर्वाचनमा गोरखा २ र २०७० को मा १ बाट निर्वाचित भएका थिए।

प्रतिक्रिया

सम्बन्धित खवर